Kanha se log kahte hain desh me badhaali hai,
Har taraf to chayi khushhaali hai...
Peene ko kamskam maila he sahi,
Do ghoont paani to hai.
Kwan kahta hai is desh mein,
Gareebon ke liye khana nahi hai,
Ja ke dekho to humare hukmrano ke gharo ke peeche,
Khane ke liye kamskam joothi he sahi,
Kuch rotiyan to padi hain.
Wo jamne kuch aur the ,
Jab neta choriyan kiya karte the.
Ab to kamskam har neta arbpati to hai,
Ab jaane bhe do kargil ke baaten,
Ab har wajir-e-aajam phati dhoti kaise pahne.
Kyoun poochte hain jaanab,
Aap desh ke haalat purani baat hai,
Kuch naya kahiye kamskam aapke munh se,
Desh ko de gayi gaaliyan bahoot pasand aati hain.
Are taqdeer mein tha humare pichadna,
To kya hume langda he samajh lenge aap.
Waise bhe ab to likhne me bhe maza aata hai,
Humare desh me bhe chamchamati sadke hain,
Bhale he uske aajo baajo kuch jaanwaron jaise logon ka aashiyaan hai,
Humare yanha to ab gangajal dukano pe bikta hai, kyounki ganga to ab kuch jada he saaf hai.
Kwan kahta hai sadko pe bheed hai,
Kanhe kisi laal batti ka kaafila dekhiye to sahi.
Gujari baate hain ab daamini aur godhara jaise baaten,
Aaj to apne pahchaan batana bhe paap hai.....
PRANI
No comments:
Post a Comment